हो वहिनी , आलेला ना इथे तो

गंपू घरी उशीरा आला. उशीर का झाला असं बायकोने विचारल्यावर गंपूने सांगितलं ' अगं , मित्राकडे गेलो होतो गं! '. 

बायकोने त्याचं म्हणणं तपासण्यासाठी गंपूच्या दहा मित्रांना फोन लावला. 

त्यापैकी पाचजणांनी उत्तर दिलं , ' हो वहिनी , आलेला ना इथे तो ' 

तिघांनी सांगितलं , ' आला होता...हा काय , आत्ताच गेला. ' 

तर उरलेले दोघे म्हणाले , ' अहो वहिनी , हा काय इथेच बसला आहे! देऊ का त्याच्याकडे फोन ?' 
--------------------------------------------------------------------------------------------
आर जे वटवटसम्राट शोमध्ये चिंटूचा फोन येतो. 

चिंटू- मला श्याम कर्णिक नावाच्या माणसाचं पाकीट मिळालंय. त्यात १५००० रुपये आहेत. 

आर जे - शाब्बास मित्रा , तुझ्या प्रामाणिकपणाला दाद द्यावीशी वाटते. तुला आता हे पाकीट परत द्यायचंय ना? 

चिंटू - चल रे वेड्या , मी फक्त हे सांगायला फोन केला की , श्यामसाठी एक सॅड साँग लाव...